“Kitob dunyosi” –
маънавий-маърифий, ижтимоий-сиёсий газета.
2012 йил 26 январда қайта рўйхатдан ўтган.

Муассис:
“Tafakkur bulog‘i” масъулияти чекланган жамияти

Барча ҳуқуқлар қонунлар билан ҳимояланган. Сайт маълумотларидан фойдаланилганда манба кўрсатилиши шарт.

Куз драмаси

Куз ажойиб драма ёзди...

Режиссёр ҳам, рассом ҳам ўзи.

Қуёш қони томган боғларни

Ечинтирди куппа-кундузи.

 

Сўнг саҳнага шамолни ҳайдаб,

Чор тарафга солди тўполон.

Нам ҳавога тугмалар қадаб

Ёмғир кирди саҳнага шодон.

 

Новдасидан узилган япроқ

Чарх урди-да, қўнди елканга.

Заминдан ҳам оғир бир титроқ

Юрагингга солди аланга.

 

Саҳна тинди.

Чиқдик дилда ғам...

Менга бунча мунгли қарама.

Айтмасанг ҳам биламан эркам,

Куз – бу ҳаёт!

Ҳаёт – драма!

 

Қўчқор НОРҚОБИЛ